Әшнәлек

– Кара аны, командир, минем фамилия Галимов, – шофер инспекторга. Янәсе, ул вакыттагы эчке эшләр министры Искәндәр Галимовның туганы, димәк ки, аның белән ихтирамлы эш итәргә кирәк. Юкса…

– Моның ише өркетү-кисәтүләрне ишетеп туйган лейтенант И.Сабиров аның авызын тиз томалый.

– Булса ни, ә минем фамилия Сабиров менә, – дип, ул чаклардагы Министрлар Кабинеты рәисе Мөхәммәт Сабировка ишарәли.

Әлбәттә, ошбу егетләрнең әлеге рәсми кешеләр белән бернинди туган-тумачалыгы булмый.

Наил ВАХИТОВ