Ә һава сасы

«Нәфис-Косметикс» комбинатына зарланып Русия иҗтимагый палатасына Казаннан шикаять керде. Казанлылар тарафыннан бирелгән коллектив мөрәҗәгатьтә химик предприятиедән атмосферага тынны буа торган, күзләрне ачыттыручы газ чыгарылуы турында әйтелә. Татарстан Республикасы Экология һәм табигый ресурслар министрлыгы да бу нисбәттән кимчелекләр булуын раслаган.

«Безнең гәҗит» газетасы да Борисково бистәсендәге Техник урамындагы сасы һаваның кайдан килгәнлеген ачыкларга тырышты. Бу хактагы язманы 6нчы биттән укыгыз.