Еланлы поезд

Мәскәү-Чиләбе поездындагы бер пассажир үз юрганында елан табып ала. Ул хатын сүзләренчә, аның күршесендә генә Һиндстан кешесе булган һәм ул елан үрчетү белән шөгыльләнгән икән. Станцияләрнең берсендә вагонга транспорт полициясе килеп керә һәм терроризмга, экстремизмга көрәш профилактикасы чарасы буларак, багажларны тикшерергә керешә. Ир кеше моны белеп алу белән бөтен сумкаларын җыеп иң якын станцияләрнең берсендә төшеп кала. Ә иң якын станция дигәнебез Бөгелмә булып чыга. Полиция фикеренчә, ир әлеге тартмаларда еланнар алып кайткан, тик шуларның берсе качарга өлгергән. Билеты буенча бу пассажирның Ульян шәһәреннән булуы ачыкланган инде. Хәзер аны эзлиләр.