УРАЗАЛАР ТАГЫН КИЛӘСЕ

Ураза ае булуга карамастан, көне-төне аракы, сыра саттылар. Ә нигә Рамазан аенда булса да бераз тыймаска бу эшләрне. Хурлык, дин турында, әхлак турында сөйлиләр, эшләгән эшләре генә күренми. Олы яшьтәгеләр яшьләрне дә уздырып аракы, сыра эчә. Без ураза тотмыйбыз, безгә ярый, диләр. Шушы да булдымы мөселман кешесе, динне хөрмәт итүче.

Хөрмәтле мөселман кешесе! Кайда сез? Динебезне, илебезне бергәләп саклыйк. Шушы ураза ае хөрмәтенә генә булса да, аракы, сыра дигән әйберләрдән тыелып торсак иде.

Гаҗилә АБДУЛЛИНА. Минзәлә районы, Аю авылы.

Редакциядән. Авторыбызныћ тәкъдим-шелтәсе бик урынлы. Уразалар тагын килеп җитәр. Татар районнары, авыллары бу башлангыч белән чыксалар, зуррак шәһәрдәгеләргә дә үрнәк алырга җирлек булыр иде. Киләсе Рамазан айларыбыз июль аенда ук башлана. Бәлки, кайберәүләр җәй челләсендә ураза да тота алмас. Ләкин Аллаһы Тәгалә тыйганнардан тыелып яшәү – һәр мөселман кешесенә фарыз.